Veseli: PDK është opozitë e pushtetit, por jo e shtetit

12:36 | 25 Gusht 2020
Arditë Shkodra

Kryetari i PDK-së, Kadri Veseli, ka vizituar strukturat e partisë̈ në Dragash. I shoqëruar nga Sekretari i Përgjithshëm, Uran Ismaili, anëtari i kryesisë̈, Enver Hoxhaj, sekretari elektorar, Betim Gjoshi, ai ka përgëzuar lidershipin dhe anëtarët e kësaj partie për punën e mirë që po e bëjnë.

Njëherësh, ai ka kërkuar edhe më shumë mobilizim e angazhim në shërbim të qytetarëve. Sipas tij, PDK është e konsoliduar dhe strukturuar fuqishëm në Dragash dhe gjithandej Kosovës.

“Do t’i përgjigjemi me dinjitet dhe integritet të gjitha zhvillimeve që lidhen me interesin nacional të vendit. PDK-ja është opozitë e pushtetit por jo e shtetit” ka thënë Veseli.

Edhe kryetari i Komunës, Shaban Shabani dhe kryetari i degës së PDK-së, Vehbi Nazifi kanë falënderuar kryetarin Veseli dhe anëtarët e kryesisë duke premtuar angazhim në shërbim të qytetarëve, si dhe për të forcuar më shumë PDK-në.

Shpërndaje në rrjete sociale

Lajmet më të lexuara

Të ngjashme

Foto lajm